Knús í krús!!

lélegasti bloggari lansdins mættur

Fri, 05 Dec 2008 09:51:42 GMT

Já... þá er maður mættur. Fyrst að ég mundi lykilorðið inn, þá ákvað ég að senda smá skeyti með helstu upplýsingum.

Lífið gæti ekki verið yndislegra þessa dagana. Snjórinn að falla úr himnum, sem er mun betra en bara gráa frostið. Ef það fylgir smá snjór þessum kulda, þá verður einhvernveginn samt ekki eins kalt.... skrítið. En já, svo er ég búin í prófunum, sem er ekki leiðinlegt. Og í fyrradag var ég að þjóna í Fíló á tónleikum hjá gospelkórnum. Það var bara æði. Jónsi, Stebbi Hi og Guðrún Gunnars voru gestasöngvarar og voru alveg með þetta. Kórinn stóð að sjálfsögðu undir sínu, enda bara snillingar á ferð.

Næsta mál á dagskrá er að velja mér fög fyrir næstu önn í skólanum. Ég er eitthvað voðalega úti að aka með þetta, enn þetta er eitthvað sem ég þarf að gera. Svo þarf ég að halda jól... eiginlega fyrst að klára jólagafirnar, þær eru eiginlega of mikið að þvælast fyrir mér, ja og jólakortin!!! En allavega svo er það íbúðarleit eftir áramót. Núna er bara að duga eða duga, ekkert annað í boði.

Eigið góðan desember :)

Later!!!

Já góðan og blessaðan daginn kæru hálsar...

Tue, 07 Oct 2008 17:17:05 GMT

Gaman að fá skammarkomment inn á bloggsíðuna um að maður sé latur að skrifa... ég var eiginlega farin að halda að það væri aldrei neinn að skoða þetta, bara ég í mínum ego-heimi, ennþá að trúa því að heimurinn snúist um mig og að ég sé svo ómissandi liknur í þessu öllu saman og nauðsynlegt fyrir mig að halda skrá yfir mitt litlausa, en þó ekki svart/hvíta líf.

Það svona helsta í fréttum er að maður er farin að spara. Þýðir ekkert annað svona í kjölfar kreppunnar. Ég fór nú samt og splæsti á mig voða fínni peysu og klút og næstum því nýjum skóm í gær. Annars er ég bara að vinna og vinna og vinna, er á námskeiði núna sem er voða spennandi og heitir Stóru spurningarnar. Já og svo auðvitað Kennó, sem er alveg að gera útaf við mig þessa dagana. Það er nákvæmlega allt búið að klúðrast sem klúðrast getur í mínum málum í skólanum. Skráningar að týnast, ég skráð í vitlausa áfanga, gleymist að gera aðgang fyrir mig - bara að nefna það, það er búið að gerast. Ég er alveg að verða crazy á þessu. Enn, ég talaði við einn kennara í dag og vonandi er þetta allt að fara að lagast. Ætla samt að tala við námsráðgjafann, og hreinlega kvarta. Finnst ógó asnalegt að vera að kvarta... en kommon, þetta er búið að vera algjört djók í brók....

Annars er ég bara góð. Sit núna akkúrat og er að læra :) og Óttar var að koma með súkkulaði og topp handa mér. Frekar dekruð, en það er bara gaman :)

Styttist í jólin, svo í páska og svo bara í sumarið ....

Later!!!

Edrú - djamm...

Sun, 21 Sep 2008 22:14:34 GMT

Nei og ég er ekki ólétt. Við Ásdís fórum á okkar mánaðarlega edrúdjamm í gær. Reyndar afar langt síðan við höfum farið á svona vel heppnað edrú - djamm, en það var ógó gaman. Fórum á Thorvaldsen og dönsuðum gat á skónna, tættum upp parketið, nudduðum af málninguna, slitum niður gluggatjöldin og skildum eftir mark okkar á staðnum :haha:

Fórum svo á trukkaball..... jább, kellurnar á hælum, í kápum og næstum því með uppsett hár, fóru á trukkaball. Það var bara gaman, bara durgar og slagsmál og svona durgapíjur að pikka upp durga. Við komum nú bara í endan á ballinu, ég að pikka upp minn durg og hún að kíkja á durgana :)

Dagurinn í dag búin að vera agalega mikil afslöppun. Vöknuðum, ég fór að læra, fórum á KFC og svo í búð, heim að kjafta við aðra fjölskyldumeðlimi, ég að læra og prjóna smá og svo náttúrulega það sem búið er að bíða eftir í allt sumar - Dagvaktin. Verð að segja að ég varð fyrir smá vonbrigðum....... enn ætla að gefa þessu sjens.

Keyri um þessa dagana á bláum jeppa - meira svona tryllitæki. Jólabíllinn er á leið til læknis...verð vonandi komin á hann fyrir mánaðarmót. Pústið fór einhverstaðar í Norðlingaholtinu á leið minni til vinnu á Grafarvogsdaginn. Ég fer með hann til Hafnarfjarðar á morgun í viðgerð - bara svona ef þið skilduð heyra eitthvað skrýtið hljóð.... þá er það sennilega bara ég og Jóli :)

Later!!!

Jólin, jólin, jólin koma brátt

Tue, 02 Sep 2008 11:36:13 GMT

ég var hér inni í gær og var búin að skrifa alveg obbolega mikið, ýtti á vista og birta á vef og *púff* allt hvarf.....

En málið var að ég heyrði útundan mér að það væri 116 dagar í jólin í gær. Og þegar ég heyrði það var ég akkúrat sest fyrir framan tölvuna og var að fara að röfla hér um eitthvað leiðinlegt, þegar ég fór allt í einu að brosa. Ég fór að hugsa um jólin. Og kannski það sem meira er, hvað ég hlakka mikið til jólanna. Ég hef aldrei verið mikið jólabarn, fundist alveg fínt þegar jólin koma, en samt alveg sama þegar þau eru búin. Svo kom tímabil þar sem allt leiðinlegt gerðist á jólunum - og þá varð mér eiginlega bara alveg sama um jólin. Nennti ekki að vera með þetta vesen, fór jú í kirkju, horfði á teiknimyndir, borðaði súkkulaði og góðan mat og fekk frí í vinnunni, annað voru jólin ekkert merkilegri en hvað annað. Svo kynntist ég Ásdísi. Og það er sko ekkert grín að kynnast henni. Hún sýndi mér að jólin væri einn sá mesti og besti tími ársins. Hún malaði og malaði um dásemdir jólanna og ég (sem gat ekki verið meira sama um jólin) hlustaði bara og kreisti fram bros til að reyna að samgleðjast henni. En vitir menn, henni tókst að troða því inn í minn haus að jólin væru æðisleg - og það er bara rétt hjá henni. Svo núna, 31. ágúst, er ég farin að hlakka óendanlega mikið til jólanna :)

Konan sem sat og sagði í gær að það væru 116 dagar í jólin, er mamma Óttars, sem er held ég jafnmikil, ef ekki meiri jólakjelling og Ásdís. Svo jólin verða bara æðislegri með árunum :) Takk Ásdís - þú ert jólakrútturass.

Later!!!

Sumarið er tíminn....

Wed, 20 Aug 2008 18:45:48 GMT

Er búin að vera alveg ömurleg að skrifa blogg þessa dagana... veit það alveg.

Lífið er bara yndislegt. Vinnan er byrjuð í öllu sínu veldi og alvaran tekur almennilega við á mánudaginn þegar krakkakrílin mæta og þá er þetta allt hafið. Ég er að reyna að púsla saman einhverju í Kennó og ætla nú loksins að reyna að klára þetta allt saman........ góðir hlutir gerast hægt ;)

Alfa að byrja líka... kynningarfundur í Fíló 16. desemeber kl. 20:00 ef þú vilt kíkja :) Það bítur enginn..... allavega ekki fast. Og ég verð þar.

Ástin blómstrar og við Óttar bara í blóma. Ekkert nema gott að segja þaðan.

Hrikalega er þetta stutt og aulalegt blogg.... set einn brandara með svona til að bæta þetta

Einu sinni var önd sem kom inn í bakarí og sagði "áttu kex". Bakarinn sagði "nei" og rak hana út. Hún kom svo næsta dag og sagði "áttu kex?" Bakarinn horfði á hana og sagði "nei ég á ekkert kex" Hún kom svo þriðja daginn og sagði "áttu kex?" Bakarinn hofrði á hana og öskraði "NEI!!!!! og ef þú kemur aftur þá negli ég saman á þér gogginn!!!!" Öndin kom svo daginn eftir og sagði "áttu nagla" bakarinn: "nei" öndin:"áttu kex?"

múhahahaha.... jább húmorinn verður einfaldur þegar maður er að vinna með 6.ára :)

Versló og ammili ammili ....

Wed, 06 Aug 2008 11:38:42 GMT

Jæja þá er verslunarmannahelgin búin. Við Óttar fórum ásamt fjölskyldunni minni í Kotið... jább, á trúarsamkomu, en ekki hvað :) og skemmtum okkur alveg konunglega. Vorum í voða fínum tjaldvagni sem minn heittelskaði á og þetta leit allt saman alveg agalega huggulega út og við gátum komið okkur vel fyrir svona í fyrstu sambúðinni. Um kvöldið vildi Óttar vera áfram, þrátt fyrir að hafa tekið rúnt um svæðið og fengið nasaþefin af því sem í vændum var *hjúkk*. Þegar við lögðumst svo uppí um kvöldið var komin smá gola....og mín ákvað að taka þetta á kúlinu og vera bara áfram glöð með þetta allt sama. Golan breyttist í vind, vindurinn í rok og rokið í HÁVAÐA rok!!! Þá var mín ekki að fíla þetta lengur..... rak Óttar á lappir og hann var á vaktinni alla nóttina að sjá til þess að allt dótið myndi ekki fjúka út á hafshauga. Nágrannar okkar (Maggi, Jenný, Sunna og Steini) voru í sama vanda og jú, voru á sömu vakt og Ó-ið. Dagurinn eftir var frekar langur og svefninn næstu nótt var vel þeginn. Til að stytta söguna, þá kom ekki meira rok, en það ringdi eins og engin væri morgundagurinn og við urðum bæði veik!! Við komumst þó heil heim og ótrúlega sátt við allt saman, þrátt fyrir að veðrið og heilsan væru ekki í toppstandi.

Svo var það afmælisdagurinn... já ammilið :) sem heppnaðist alveg svakalega vel. Dagurinn byrjaði á því að ég var vakin upp og dregin niður í eldhús í rosa hlaðborða morgunmat. Óttar var svo sætur að fara í bakarí og kaupa allt sem er gott í bakaríinu og dekkaði upp þetta dýrindismatarborð handa mér. Næst fór ég í fótsnyrtingu, í boði hans og þegar ég kom út beið mín svaka stór og bleikur blómvöndur. Við hentumst svo út um allan bæ til að klára að versla inn fyrir kvöldið og einhverstaðar á leiðinni dró hann upp kassa með rosalega fallegu hálsmeni handa mér. Mín algjör prinsessa :) Ég hentist svo heim og skellti á kökurnar og bjó til salatið á milli þess sem ég var í símanum, sturtu, að klæða mig í og lakka á mér táslurnar. Já maður er múltitaskari :) Við vorum komin til pabba um kl. 18.00 og kláruðum að henda öllu á borðið og fólk fór svo að streyma inn um kl. 19.00. Það voru margir sem komust ekki, sem kom mér ekkert á óvart, því jú, ég hef átt afmæli á þessum degi í 30 ár og veit að fólk er upptekið.... enn það var bara fámennt en góðmennt og yndislegt að fá að halda upp á afmælið sitt, svona einu sinni :) Það var borðað, kjaftað, setið úti á palli, hlustað á tónlist og spilað á gítar. Það voru nokkrir gítaristar sem voru, þótt það hafi vantað tvo.... og við skelltum upp gítarpartýi eins og ekkert væri. Veislunni lauk svo um kl. 1 og þá settumst við famelían niður og átum að sem eftir var af veitingunum og rifjuðum upp allskonar skemmtilega hluti.

Yndislegt afmælisdagur og ég ótrúlega sátt og sæl með allt saman. Kannski maður haldi aftur upp á afmælið sitt í framtíðinni... þá í annað sinn :)

Later!!

p.s. Þeir sem lásu innslagið á undan.... ég gleymdi víst að setja inn smá um gestgjafana okkar sem áttu allan þann heiður að því að ég fekk að vera í þessari Paradís í fjóra daga. Ég vil þakka Jónínu fyrir að hafa átt svona yndislega fjölskyldu sem fekk þessa stórkokstlegu hugmynd að byggja þarna hús og gera að frístundaheimili :) eða þú veist... Ég vil þakka Gunna fyrir að hafa nælt sér í Jónínu og fyrir að hafa boðið okkur Ásdísi að koma í heimsókn. Að lokum vil ég þakka þeim báðum fyrir ótrúlega góða og mikla gestrisni og kósíheit á þessum yndislega stað. Þúsund þakkir, knúsar og kossar til ykkar.

Ferðasagan mikla ..... í örfáum orðum

Wed, 30 Jul 2008 02:38:22 GMT

Já við stöllurnar komnar heim eftir frábærlega vel heppnaða ferð.

Við lögðum af stað úr Reykjavíkinni um kl. 19 á fimmtudaginn 24. júlí. Stefnan tekin á Ísafjörð. Okkur til mikillar gleði, ákvað einn vinur okkar að keyra með okkur til Ísafjarðar...sem þýddi þá fyrir okkur að við gátum slappað af og haft það kósí á leiðinni, sem og við gerðum :) Raggi stóð sig eins og hetja við keyrsluna og við vorum komin á Ísafjörð um kl.2. Við nenntum ekki að fara að sofa, enda spennan í hámarki svo við rúntuðum um á Ísafirði, og fórum m.a. í göngin, stoppuðum í þeim, tókum myndir og öskruðum...enda rosa góður hljómur og enginn á ferð. Eftir þetta ævintýri okkar var komin smá þreyta í mannskapinn, svo um kl. 5 var slegið upp tjaldi og allir hnipruðu sig saman og fengu sér smá lúr. Kl. 7 var svo ræs og allir í sturtu í sundlauginni...... saga að segja frá því..... nema kl. 8 var farið í bakarí, kl.8.30 var Ragga hent á flugvöllinn og kl.9 var farið í Edinborgarhúsið þar sem skráningin í bátinn var. Þar var engin mættur. Við biðum í 15 mín og fengum svo að vita að vegna brælu var ekki hægt að sigla út. Sko... svona fréttir, fyrir manneskju eins og mig, sem er skíthrædd við sjóinn.... þá var þetta ekki að gera góða hluti. Ég hafi til kl. 12 að snúa Ásdísi og fá hana til að hætta við allt saman og fara bara hringinn í kringum landið. En sem betur fer á ég góða vinkonu sem leyfir mér ekki að komast upp með neitt kjaftæðí svo hún gat haldið mér á rétta sporinu. Kl. 12 var okkur svo tilkynnt að ferðin yrði kl. 13. Þá hófst kappleikur um allan Ísafjörð að finna svarta ruslapoka til að dótið okkar myndi ekki blotna í tuðrunni.... já einmitt tuðran. Það var t.d. eitt orð sem konan í afgreiðslunni gubbaði út úr sér við okkur og ýtti enn undir það að ég ætlaði ekki í þessa ferð. Plastpokarnir fundust og eftir að hafa gleypt sjóveikitöflu og þrýstingurinn kominn á eftstu mörk, var haldið í bátinn. Þetta leit nú allt mjög vel út og sjóveikitaflan á fastandai maga var alveg að gera góða hluti. En þá hófst gamanið.... sem í hrikalega stuttu máli var þannig að mín sjóveikihræðsla er farinn, því ég hef aldrei og mun sennilega aldrei upplifa aðra eins sjóferð... þetta var eins og rússibani... blautur rússibani í tvo tíma. Tuðran leit bara ágætlega út eftir þessa ferð, enda var hún það eina sem gat komið mér í land.

Þegar í Fljótavík var komið tók við yndislegur tími. Það tók reyndar smá á, að vera ekki í símasambandi, þar sem maður er orðin svo háður þessum litla tímahirði og stresstæki. En það sem tók mest á hjá mér var að vera ekki með sjónvarp. Ég var samt ótrúlega hissa á því...og þegar ég var farin að sjá fjarstýringar um allt hús... þá ákvað ég að setjast út á verönd og fara í smá hugleiðslu. Tíminn í víkinni var í einu orði sagt yndislegur. Eina sem maður þurfti að gera var að vera til - og njóta þess. Helstu viðburðir dagsins voru hvað það var heitt úti, hvort það var fjara eða flóð, hvort það sæjist til Grænlands í dag, hvort að skýjinn kæmu inn í víkina eða framhjá, hvort tóann hefði tekið matinn sem við settum út í gær, hvaða bátur þetta væri þarna út á sjó...... svona líf er bara yndislegt. Maður kemst í samband við sjálfan sig, við náttúruna og ég er ekki frá því að maður fái bara nýja og nauðsynlega sýn á lífið. Og það sem er kannski merkilegast að allt þetta veraldlega dót sem við teljum okkur ekki komast af án... er ekki svo nauðsynlegt...... og að heimurinn heldur áfram án manns!!! Það er alveg magnað.

Heimleiðin gekk mun betur - sjólega séð - en leiðin út í víkina. Mun minna stress og mun minni öldugangur. Keyrslan heim gekk líka vel, við Dása vorum duglegar að skiptast á að keyra og bíllinn stóðst þetta eins og ekkert væri. Þegar við vorum svo lentar í Reykjavík, ákváðum við að vera ógeðslega latar og ganga frá öllu dóti daginn eftir. Ég kvaddi svo Ásdísi og fór út í bílinn minn...sem hafði verið með illa lokaða hurð aftur í...sem jú varð til þess að hann var rafmagnslaus... sem jú þýddi að ég komst ekki neitt!!! Vá hvað ég var ekki að nenna því eftir 2 klukkutíma siglingu og 6 tíma akstur. Svo ég hringdi í Óttar sem kom eins og prins og bjargaði prinsessunni sinni. Ég nennti samt engan veginn að fá start hjá honum...heldur fór beint heim að sofa.

Niðurstaða: Það eiga allir að fara í Fljótavík, allavega einu sinni um ævina!!!! Það er hollt fyrír sálina :)

Verslunarmannahelgi í Kotinu framundan og svo stóra stóra ammilið....

Later!!!!

sumarfrí - sumarfrí - sumarfrí - sumarfrí - sumarfrí

Fri, 18 Jul 2008 23:38:21 GMT

Jibbííí... minns er komin í sumarfrí..... liggaliggalái

voða fínt að komast í frí... þetta er samt ekki langt frí sem ég fer í, fer í 3 vikur. Ætla að geyma 2 vikur fyrir skólann og af því að ég ætla að verða ein af þessum sem fer til útlanda á veturnar.... Köben, London, Stokkholm... kannski eitthvað fleira spennandi.

Á annars að vera í fjölskylduútilegu akkúrat núna. Árlegur fjölskylduhittingur í ættinni hans pabba... en ég er að fara með mútter norður á morgun. Það verður reyndar bara dagsferð. En svo er það Fljótavík í næstu viku. Já jing og jang eru að fara vestur í rassgat í bala þar sem ekkert rafmagn er, ekki watertoilet, né rennandi sturta, né gsm-samband. Það er bara frumskógarfílingurinn, náttúran og kósíheit. Algjör snilld. Kvíði reyndar fyrir því að þurfa að sigla á einhverjum dalli í einn og hálfan tíma. Vona bara að það verði gott í sjóinn 8|

Jább og ég er byrjuð að prjóna agalega hugguega peysu. Ef það verður dapurt í Fljótavík,þá kem ég heim í peysunni :)

Later!!!

4 dagar í sumarfrí

Mon, 14 Jul 2008 22:08:10 GMT

og það er bara yndislegt :)

Hef ekki ákveðið að gera neitt nema hafa það hrikalega gott og.......
- fara á eyðieyju á vestfjörðum með Dásunni
- fara í norður með mútter
- fara á Kotmót og eiga yndislegar stundir með góðu fólki
- eiga afmæli og halda upp á það
- eiga góðan tíma með..... ;)

Later!!!

Traustur vinur, getur gert.. kraftaverk...

Thu, 10 Jul 2008 00:11:19 GMT

já.. .held að yfirskrift þessa dags sé bara einmitt það...

Byrjaði í morgun þegar ég hitti tvo vini í vinnunni sem standa mér svo nærri.... og er alltaf að átta mig á því betur og betur hvað mér þykir vænt um þessa tvo; markið og peruna.

Ein sumardís í vanda mætti svo á msn og ef hún getur ekki lyft manni upp á slökum og dimmum degi - þá getur það engin.

Dásan mín mætti svo til vinnu og þeyttist með mig út um allar tryssur í tilraun til að bjarga rólóvelli sem var orðin yfirfullur af börnum. Restina af deginum fekk ég svo að heyra allskonar konfektmolatóna, þar sem hún er einn af mínum uppáhalds skífuþeyturum.... eða meira svona youtubeuppfletturum og er ötul við að gefa tóndæmi.

Seinnipart dags átti ég svo að fara í kaffi til dönskunnar minnar, en þar sem ég hafði klúðrað að púsla deginum eins og ég hafði hugsað mér á koddanum í gær.... þá komst ég ekki í "annaðborðfráklukku" stelpuklúbbinn sem hafið sinn fyrsta hitting í dag. Þykir það ótrúlega miður, því ég hefði svooo viljað sjá skvísurnar og þau afkvæmi sem eru komin í heimin af þeirra völdum. Enn... vona að þetta sé fyrsti hittingur af MH píjum af mörgum og ég mun mæta næst...

Þegar ég kom heim, beið Tumalingur eftir mér. Tumi er hundur bróður míns og er óendanlega ástfangin af mér... enda er ég alltaf að draga hann með mér út að labba, sem hann elskar alveg. Ýkt gaman að fá svona (pínu skilyrta) ást....

Svo fór ég í afmælismatarboð til Ásdísar... mætti reyndar of seint, þar sem ég hafði eins og áður sagði, klúðrað púsli dagsins..... En þar fekk ég dýrindis mexícanskann mat og sjúklega sjúka súkkulaðiköku á eftir...

Dýrindis dagur, vel kryddaður af yndislegu fólki sem gefur lífinu lit.... .og ég heppin að eiga þau að :)

Later.

Tilfinningarússibani....

Sat, 05 Jul 2008 13:08:00 GMT

Síðasta vika búin að vera mjög tiflinningarík, skemmtileg, ruglingsleg, spennandi, gleðileg, leiðinleg, átakanleg og alveg ótrúlega lengi að líða.

En nú er komin laugardagur og þegar ég horfi til baka, þá finn ég að frasinn að á morgun muni allt líta betur út..... er alveg sannur.

Á sama tíma og manneskja gengur inn í líf mitt, gjörsamlega óumbeðin, og opnar fyrir mér helling af hurðum og gluggum sem ég hélt að ég væri búin að harðlæsa og tryggja að engin kæmist í gegnum...... kemur upp heljarinnar drama í fjölskyldunni minni. Fjölskyldan mín er nú reyndar alveg fræg fyrir að vera með dramatík
En jæja, ég ætla frekar að biðja fyrir þessu en að vera að tuða um það hér.......

Annars á Ásdís afmæli í dag :) svo til lukku með það elsku vinkona.

Sumarið hálfnað og mín ekki komin í frí..... er komin í skrifstofuvinnu þar sem ég er að leysa af... og ég finn það svo hvað ég er heppin að vinna ekki þannig vinnu á veturnar... .þetta er alveg drepleiðinlegt. Ég þarf að vera í aksjóninu, þarf að vera innan um fólk, vera þar sem fjörið er, ekki lokuð inn á skrifstou með síma og tölvu. Ekki minn tebolli!!! :) Það sem er að bjarga mér eru fjörkálfar eins og Steini og Maggi og auðvitiað Ásdís sem kemur reglulega og skilur eftir gula pósted miða á tölvunni minni og dregur mig út.... en sumarfríið er handa við hornið og mikið agalega verður það gott :)

Later!!!

Endalaust vesen á mér........

Tue, 01 Jul 2008 21:24:03 GMT

Um helgina fór ég út með Ásdísi að djamma og Elnu og Þyrí og fleirum. Þegar við vorum komnar út í leigubíl, fattaði ég að debetkortið mitt væri týnt... ekki frásögufærandi, nema af því að þetta er nauðsynlegt frásögn fyrir framhald sögunnar.....

Á sunnudaginn fannst svo depetkortið í blómavasa heima hjá mér...... á mánudagskvöldið fór ég í ís og var svo heppin að prinsinn splæsti á mig ís svo ég þurfti ekki að nota kortið mitt. Ég fór svo ég heim og hélt að ég hefði sett kortið í veskið mitt aftur... enn komst svo að því í morgun þegar ég ætlaði að kaupa mér morgunmat í N1 að kortið var ekki þar sem það átti að vera. Ég mundi það svo aftur í dag þegar ég var komin út í búð að kaupa mér samloku, og svo aftur þegar ég ætlaði að fá mér shake og svo í fjórða skiptið þegar ég ætlaði að kaupa Serano´s á leiðinni heim.

Ég bað svo mömmu um að henda kortinu út um gluggann, af því að ég nennti ekki að ganga upp þessar 32 tröppur sem liggja heim til mín. Mamma gerði það, gegn því að ég myndi kaupa eitthvað gott að borða og ég var sko alveg til íþað, þar sem ég hafði verið í hrökkbrauði, samloku (sem ásdís splæsti) og shake (sem Raggi splæsti) yfir daginn. Svo leiðin lá í verslunarleiðangur fyrir kvöldmatinn......

Ég fór á Serano´s á Höfða eins og planið var í upphafi, nema þá komst ég að því að allir Reykvíkingar höfðu fengið þessa snilldarhugmynd líka og ég nennti ekki að bíða í röð og fór. Ég skellti mér í hraðbanka, nema þar var hrikaleg röð og hraðbankinn alveg á sniglahraða, þegar kom að mér stóð bara "augnablik" á skjánum...........og ég nennti ekki að bíða eftir þessu augnabliki svo ég fór...... á KFC. Þegar þangað kom voru allir þeir sem höfðu ekki farið á Serano´s þar. Ég nennti alls ekki að bíða þar svo ég fór í Hagkaup. Þar ráfaði ég um eins og hauslaus hæna.... og ákvað svo að kaupa bara tilbúin kjúkling. Þá voru 6 stk af hálfum kjúlla í hitakassanum... og þetta "hálfur kjúlli" var eitthvað að fara í taugarnar á mér...svo eg ákvað bara að hringja í Domino´s á meðan ég var í Hagkaup,panta pizzu og skoða bara föt á meðan pizzan væri að bakast, fara svo og sækja hana og málið dautt. Ég hringdi og beið....og beið....og beið.... og svo nennti ég því ekki, skellti á og var áveðinn í að kaupa bara þennan kjúkling. Á meðan ég var í símanum, í ca 2 mín, seldust allir kjúllarnir upp. Og ég stóð fyrir framan hitakassann og starði bara á eitthvað ógeð í boxi, kjúklingur í tikkamasal!!!! Hafði engan áhuga. Á meðan ég stóð þarna með tárin í augunum yfir því að allir skyndibitastaðir bæjarins höfðu svikið mig og núna væri Hagkaup, búðin sem bar fyrsta orðið sem ég lærði að skrifa, var lika búin að snúa við mér bakinu...... þá var ég bænheyrð. Einn pabbinn hafði hætt við að fjárfesta í hálfum kjúkling, sem hann skilaði í hitakassann. Ég greip þennan kjúkling eins og han væri síðast matarbitinn á jörðinni og arkaði með hann undir hendinni inn í grænmetisdeild þar sem ég valdi mér ferskt salat, hentur og fetaost til að hafa með. Svo kom ég heim. Mamma beið alveg ofsalega spennt yfir þessum mat sem ég var búin að lofa og hélt að það kæmu bara þjónar með hann á fati og ljósadýrð með... enda var þetta búið að taka sinn tíma. Við borðuðum svo kjúklinginn yfir fréttunum og sögðum lítið. Ætlum að elda bara á morgun.

Later!!!!!

Hallelujah

Fri, 27 Jun 2008 00:07:04 GMT

Já og Amen líka. Núna eru gospeltónleikar á fullu á Vífilstaðartúni og hellingur af skemmtilegum hlutum í gangi og endilega kíkið á www.biggospelfestival.is Það eru reyndar ekki mikið eftir en í kvöld voru góðir tonleikar og á morgun laugardag eru alveg geggjaðir tónleikar. U.n.g. er að spila kl. 22 og minns er búin að koma sér í vinnu við að selja kaffi og kakó..... spáið í því :) svo endilega komið og kíkið á mig ef þið verðið á túninu.

Búin að vera hin undarlegasta vika í vinnunni. Ég er svona nokkurnveginn að sinna tveimur djobbum akkúrat núna. Það er samt alveg fínt sko, bara koma svona tímar sem maður er alveg bullsveittur - en rólegt inn á milli. Veðrið er náttúrlega búið að vera rugl gott, svo það er smá gott að fá hvíld og vera inni. Hausinn á mér er stundum ekki að nenna allri þessari sól. Það er samt svo fyndið hvað þetta er allt öðruvísi þegar maður er í útlöndum..... það er kannski bara af því að maður lætur sig frekar hafa það þegar maður er í útlöndum, af því að það er svo sjaldan sól á klakanum!!!! En neijjj þökk sé gróðurhúsaáhrifum, mengandi lofti og fólki sem vill græða í dag og er alveg sama um framtíðina - þá fáum við meiri hita og meiri sól.

Allavega.... Guð blessi ykkur öll sömul og takið eftir því hvað himininn er búin að vera fallegur á kvöldin síðustu viku..... Guð er að mála fyrir okkur málverk hvert einasta kvöld svo munið að kíkja upp og njóta þess :)

Later!!!

17.júní....

Tue, 17 Jun 2008 21:43:11 GMT

Jáhá... bara 17.júní nr 64 í röðinni kominn, engin rigning í dag, landið að fyllast af ísbjörnum, og reglulegir hristingar á suðurlandi.... já og ég að nálgast þrítugsaldurinn :)

puff... þetta afmæli mitt er alveg að fara með mig. Ég er búin að tala við pabba og hann og Hrönn ætla að vera svo yndisleg að leyfa mér að halda afmælið heima hjá þeim í Garðabæ.... en ég hef aldrei verið að halda upp á afmælin mín svo ég veit ekki alveg hvernig ég á að snúa mér í þessu. Spáið, að verða þrítug og veit ekki hvernig ég á að haga mér í þessum málum :) veit svo sem ekki hverjir koma, þar sem ég verð með partyið bara á þriðjudeginum eftir versló, bara á afmælisdaginn, nenni ekki að plana helgar í þetta, það er svo mikið að gera allar helgar í ágúst, ég yrði þá að halda upp á það í september.... púff... ætla ekki að spá meira í þessu.....

Annars bara allt gott hérna megin. Sumarið er tíminn og Guð er góður :)

Later!!!!

Yndisleg helgi

Tue, 03 Jun 2008 00:33:33 GMT

Jább.... eiginlega bara yndisleg helgi.

Föstudagurinn endaði reyndar með því að vera extra langur vinnudagur þar sem ég var að vinna á unglingaballi - og skemmti mér alveg konunglega. Skemmti mér svo vel að ég fekk flash back aftur til minna unglingsára þegar ég var í Tónabæ að djamma með minni æskuvinkonu Tinnu... það var yndislegt

Vaknaði kl. 11.30 á laugardeginum við símhringingu frá menntaskólavinkonunni minni og dönskunni Elnu, þar sem við höfðum ákveðið langþráðan hitting. Ég fór til hennar og sá litlu snúllhildi, sem reyndar ber nafnið Dóra Sigrún og við blöðruðum um allt og ekkert eins og okkur einum er lagið. Seinni parts dags brunaði ég svo í Borgarfjörðin með Sunnu og Ásdísi og hitti þar eina vinkonu okkar sem var í útileigu og gerði sér lítið fyrir og grillaði handa okkur læri. Ekkert nema yndilslegt með það. Um kvöldið kíktum við svo út á lífið og höfðum smá ljótudansakeppni vinkonurnar inná Celtic, sem varð reyndar allt annað en ljótudansakeppni - varð bara frekar fyndið og athyglisvert!!!

Á sunnudeginum ... já... missti eiginlega af honum, þar sem ég fór í hlutverk Þyrnirósar og svaf bara út í eitt.... sem var reyndar líka alveg yndislegt.

Brjáluð vinnuvika framundan....og er rétt að byrja....

Later :)